Endivi ak zam yo pa rive idantifye kidnape jounalis Frantzie Siméon ayè jedi 23 oktòb la nan zòn avni kristòf «Rue 3» pandan li t ap chache wout kay li.
Frantzie Siméon ki se yon jounalis vin lonje lis moun machin kidnapin nan leve pote ale. Daprè sa yon pwòch li fè konnen, li te nan wout pou l rantre lakay li ayè jedi a nan moman yon gwoup moun yo pa rive idantifye pran l epi ale avè l.
Aprè anlèvman an, fanmi an poko gen nouvèl li ni an kontak ak kidnapè yo pou konnen konbyen kòb yo mande pou lage jounalis la.
N ap raple w, Frantzie Siméon se yon ansyen jounalis prezantatris Radyo Nasyonal Dayiti epi ansyen kolaboratris MINUSTAH fm.
