Yon nouvèl ki parèt enkwayab men ki vrè. Estefany Benitez yon Bolivyèn jwenn yon dwèt moun anndan yon Burger nan yon restoran ki rele Fast Food nan vil “Santa Cruz” nan peyi bolivi, 12 septanm ki sot pase la.
Enfòmasyon yo rapòte, Estefany Benitez te pase manje nan restoran sa ki rele Fast Food nan vil “Santa Cruz”. Demwazèl la ki te kòmande yon burger, aprè yo sèvil te remake yon bagay dwòl anba dan l pandan l t ap manje burger a. Pa kiryozite pou l konnen kisa l ye, li te fè gwo sezisman. Li wè se dwèt yon moun ki te nan Burger a.
Aprè konsta sa, Estefany Benitez t al konsilte anplwaye restoran yo, demwazèl la fè konnen yo pwopoze l pou yo sèvi l pla ki fè l plezi a kòm rekonpans. Yo ajoute tou, Burger yo vini tou prepare nan restoran, se pa yo ki responsab sèn sa.
Aprè ensidan sa, jounal Daily Mail rapòte bout dwèt sa, se bout dwèt yon anplwaye antrepriz la ki te pèdi yon pati nan endèks li pandan l t ap prepare yon Burger. Sosyete “Hot Burger“ bò kote pa l pote ekskiz epi rekonèt tò l.
