15 C
New York
samedi, juillet 2, 2022

Direktè lise Nasyon Petyonvil la bourade elèv la paske l refize ba l chire pantalon inifòm li, selon temwanyaj kèk elèv

Jean Marc Charles ki se direktè lise nasyonal Petyonvil agrese fizikman yon jèn elèv ki pote non Gaëtan ARCELIN, ki gen 16 lane, k ap fè NS3. Nan kontak redaksyon an te fè pou genyen plis detay, nou te fè ti pale ak kèk elèv nan etablisman sa ki te bay vèsyon yo ak repòtè nou sou sa k pase a.

“Se pantalon jenòm nan direktè a estime ki twò «Skinny» epi twò kout. Li di l ap koupe l epi elèv la pa dakò. Li mande elèv la depliyan l, pandan l ap chache li pou l ba li l, li pouse l epi pran depliyan an chire l epi voye Gaëtan lakay li”, se temwanyaj nou pran nan bouch kèk kanmarad Gaëtan ki fè nou konnen tou, se pa t sèl viktim nan ki te sou lakou a pou enspeksyon sou inifòm yo.

Nan entèvyou sa, anpil nan elèv nou te gen chans pale yo te pwofite denonse jès sa direktè lekòl la fè a yo estime ki sal imaj li. Yo fè konnen tou, se pa premye fwa y ap sibi agresivite fizik sa yo. Gaëtan ki se viktim nan pa t deside entèvni malgre tout tantativ redaksyon an te fè pou jwenn vèsyon pa l sou sa k fin pase a kote anndan anpil kòmantè sou rezo sosyal yo, entènot pa sispann kritike jès li a.

Yon mach te anonse pou te fèt jounen jedi a nan Petyonvil kont zak sila sou inisyativ kèk kanmarad Gaëtan. Elèv pa t ka prezan paske responsab lekòl yo te fèmen baryè epi anpeche yo sòti si nou ka kwè temwanyaj yon zanmi viktim nan ki montre l vrèman solidè epi blame direktè a.

Pandan videyo a t ap chofe rezo yo, epi anpil elèv t ap fè pase kòlè yo. Sous nou rapòte direktè a fè yon jès grandè nan lakou lekòl la. Jean Marc Charles te pase men nan kou elèv la epi prezante ekskiz li bay adolesan 16 lane a piblikman devan tout elèv nan lekòl la epi te mande elèv la pou l ekskize l tou.

Elèv yo vle mache pou denonse Jean Marc Charles nan lise a.

Anpil elèv lise petyonvil toujou montre kòlè yo malgre jès direktè a. “L ap pran pòz li renmen nou pandan se pa vre” se sa yon elèv lise a ki rete sou anonima tankou anpil lòt deklare. Yo rapòte direktè Jean Marc gen brekè pou bay timoun yo kouran ak minòt pou minote yo. Daprè yo, li menm ak ekip li a abitye afiche konpòtman sa yo sou elèv yo, aprè yo menase mete yo deyò si yo deside revandike dwa yo. Temwanyaj sa yo tou pa diferan de sa ansyen elèv lise a ki viktim de sitwayen sa rapòte sou rezo a.

Nan jou k ap vini yo, elèv yo anvizaje mache pou mande Respekte dwa yo kòm liseyen epi mande ministè edikasyon nasyonal (MENFP) panche sou fason responsab lise yo ap trete elèv yo, patikilyèman Jean Marc Charles ak ekip li a nan lise Petyonvil.

Related Articles

2 Commentaires

  1. Se pa sèl direktè a sansè a tou ap fè nou enjistis M. SOVEUR , li mete moun deyo pou yo ka di lap fe travay li yo tout se pwofitè yo ye misye metem deyo ane a em t gentan peye BNC

  2. Fòk nou wè tou se tout sistèm edikasyon an ki mérite répanse
    Paske afè elèv la pa genyen l’ non ankò kounya se brekè ak ti bredjenn ki genyen …
    Elèv ap frè tafia, fimen sigarèt ak bòz nan sal klas oubyen nan twalèt lekòl

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,373SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus