15 C
New York
vendredi, juillet 1, 2022

Relasyon sou rezo sosyal :“Li te pwomèt mwen viza men m vin dekouvri apre 3 lane li marye avèk yon fanmi m”


“Depi se moun ou kwaze sou entènèt li pa fouti bon moun”, se sa yo souvan di. Men ka a pa blije jeneralize paske gen moun ki rive jwenn satisfaksyon ak yon moun yo rankontre sou entènèt, swa sou Fesbouk,Watsap, Enstagram elatriye.

Devlopman teknoloji a pote yon veritab chanjman nan tout sosyete sou latè nan sa ki gen pou wè ak kominikasyon sitou avèk vini rezo sosyal yo ki vin yon lòt zouti endispansab nan relasyon moun ak moun. Genyen moun ki itilize yo pou fè biznis, gen lòt ki itilize yo pou fè zanmitay oubyen chache konstui yon relasyon. Sa konn rive atant yo pa konble, men sa pa anpeche yo rete konfyan se sou rezo sosyal pou yo jwenn yon moun ki pou ede yo nan pakou pwofesyonèl yo oubyen pou jwenn yon viza, rezidans oubyen lòt avantaj.

Sarah se yon jenn fi ki gen 28 lane sou tèt li, yon etidyan nan Inivèsite Leta a ki gen (9) nèf mwa nan relasyon ak yon jenòm li te rankontre sou Fesbouk . “Nou fè 5 lane ap pale sou Fesbouk avan nou resi rankontre, premye fwa n ap wè se te nan yon aktivite kiltirèl nan inivèsite a mw te envite l”. Sete yon jou espesyal pou etidyan an. “Pandan y ap pase yon mizik Alan Cavé «j’ai besoin de toi» li veye m li bo m epi mw bo li tou devan tout lòt etidyan ki te nan espas la.” Jan jèn etidyan an ap detaye relasyon li ak jenòm nan, li montre ou se yon relasyon konsa li te reve genyen.


Sarah pa sèl moun ki viv sa. Jessica pat ka kenbe ri pou li te eksplike nou kòman avanti pa li a te kòmanse. “Aprè demann zanmi sou Fesbouk nou pat janm pale jis youn te toujou ap tag lòt anba yon seri piblikasyon. Sa te dire (2) de mwa, aprè nou vin ekri sou mesennjè.”

Jenn fi 25 lane a di nou, mennaj li gen menm laj avè l, se aprè (5) senk mwa ap pale sou Fesbouk ak Watsap yo te resi vin rankontre. Men depi avan rankont la yo te renmen. Li menm di nou depi nan ti jwèt tag la li te gentan santi lanmou an ap boujonen. Sak plis fè li plezi, se paske se sou rezo sosyal li jwenn moun lan epi li menm rive fè li konfyans epi relasyon an bati.


Pakont, Yannick Bernard limenm wè bagay yo sou lòt ang. Li pridan anpil. Pou limenm, pa gen okenn santiman nan foto oubyen videyo yon moun poste vre . “Sitou nan moman sa yo, gen familyarite ak yon moun mw kwaze sou rezo sosyal se pa pridan, paske wè yon moun nan foto oubyen videyo sa pa dekri moun nan vrèman. Pafwa se fantasm moun yo ki fè yo fè l mwen p ap menm rele sa santiman. Foto e videyo pa ase pou renmen moun nan.”, deklarasyon dam nan ki kontnye pou l di “si moun nan rete a distans se paske li gen yon bagay l ap sere si moun lan renmen m l ap fè sakrifis pou n rankontre.”

Epòk rezo sosyal Fesbouk fenk parèt, anpil moun nan legliz sitou kretyen pwotestan yo te gen yon pozisyon radikal sou rezo a kòmkwa se kote djab tayè banda ki dira pou yo ta konsidere li kòm yon espas pou chache yon relasyon. Menm si kounye a pozisyon yo chanje, men genyen ki toujou kenbe distans yo. “Rankontre yon moun sou rezo sosyo pa yon pwoblèm, men rantre nan relasyon ak moun sa kòm kretyen m ap mande w kisa Bondye di w. Pou kretyen tout bagay depann de mo li ak Bondye…”, deklarasyon James, yon kretyen pwotestan.

Sepandan, gen lòt, lanmou sou rezo sosyal mennen kè yo labatwa si n ap li listwa yon jenn fi 29 lane ki kwaze yon mesye marye sou Fesbouk a 1nè dimaten. “Dabitid mwen pa dòmi bonè. Pandan m ap triye nan lis moun ki voye demann zanmi banm yo, mwen wè yon bèl titonton byen kanpe. Kounye a mwen reponn li nan menm nan li te anliy li salye m, li di m: HI! depi lè sa nou komanse pale epi nou vin renmen men se aletranje li t ap viv. Nou fè 3 lane ansanm. Lè li rantre li desann lakay paran mwen, li banm machin, li te banm tout sam bezwen. Yon lèm jwenn yon travay k ap peyem 15 mil goud li dim l ap peyem kòb la poum pa al travay li p ap kitem al fè jounen deyò pou 15 mil goud. Li te pwomèt mwen yon viza. Li te renmenm m anpil. Men yon lè mwen vin dekouvri se yon mesye marye li ye. Sak pi di a se avèk yon pwòch mwen li marye malgre m diskite avèk li li pa vle avwem, e mwen gen prèv. M gen foto, m gen videyo. Mwen pa vle voye yo ba li pou evite twòp dega. Li te pwomèt mwen viza men m vin dekouvri apre 3 lane li marye avèk yon fanmim. Li marye ak yon pitit kouzin manmanm. Malgre nou kite pou jiskounye a li pa vle avwem li te marye”.
Aprè eksperyans sa, Jennifer pako vle avantire li ak pyès moun paske l gen yon santiman regrè k ap boulvèse li ” Mwen regrèt paskem te gen lòt moun sou wout mwen m te kabab genyen yon fwaye men domaj sa mal pase e m vin mefyan anpil, mwen selibatè pou kounye a”, se sa jenn demwazèl la fè konnen.

Lanmou sou rezo sosyal mennen lwen kote ou pa t ap menm panse, si n ap raple nou listwa Fanette Dorce, yon jenn lewoganèz fi ki te kidnape tèt li pandan (2) fwa nan mwa avril 2020 epi mande paran li 350 mil goud pou l te ka bay avoka pou yo te ka al libere yon prizonye li te kwaze sou Fesbouk.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,373SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus