Sèks solo: “Pastè a pa vle m fè sèks avan maryaj ,mwen achte sèkstòy mwen poum pase anvi m”

Chak moun gen yon fason li jere pilsyon sèksyèl li sitou lè li pou kont li. Swa li refoule anvi a oubyen li chache yon mwayen li pase li. Yo fè l an solo sa vle di mesye yo mastibe ” bat laponyèt” epi medam yo menm bay tèt yo dwèt konsa tou yo konn itilize plizyè lòt materyèl pou satisfè tèt yo si n ap pran sèkstòy.

Se yon zouti ki gen lontan depi l ap voye fanm monte nan 7èm syèl. Daprè listwa, li menm wè latè avan Jezi Kri. Ki kote li sòti? Kijan l rantre nan pratik sèksyèl yo? Magre Leta ayisyen entèdi yo enpòte l men medam ayisyèn yo nan dènye tan sa yo pa negosye li pou plizyè rezon.

“Sex-toy” nan lang kreyòl vle di bout lèg. Se yon zouti ki egziste depi nan lane 40 avan Jezikri. Se te rèn Ejip, Cléopâtre ki te konn itilize l pou bay tèt li plezi, e se li menm ki te fè l selon antwopològ, sikyat, seksològ franse Philippe Brenot. Aprè, nan lane 1883, yon medsen anglè, Joseph Montimer Granville pral kreye youn ak vapè pou l te ka swanye fanm ki te konn gen maladi yo rele isteri men sa pa t anpeche kèk medsen fanm te itilize l pou yo pase ray anvi yo.  Se konsa, yon syèk aprè, yon antrepriz ameriken ki rele “vibratex” te kòmanse ap frabrike sekstòy nan peyi japon men li te gen fòm lapen akòz gouvènman japonè te entèdi repwodiksyon ogàn seksyèl sou okenn fòm. Sa lakoz, yo te rele l “rabbit”.

Parèt li nan peyi Dayiti pimante plezi seksyèl lakay medam ayisyèn yo

Nan dènye tan yo sekstòy vinn yon pyès enpòtan pou anpil fanm ayisyèn ki gen anvi seksyèl. San bliye gason itilize li tou si n pran omoseksyèl yo. Li vin parèt plis sou mache a depi aprè fim “Fifty Shades of Grey” te soti a. Menm jan ak moun lòtbò dlo, anpil ayisyen pran plezi itilize sekstòy swa lè y ap fè bagay ak patnè yo oubyen lè yo pou kont yo.

Vanessa Alexis, yon jèn fi  24 lane, fè konnen mennaj li pa Ayiti, sèl mwayen pou li rete fidèl ak mesye li a se itilize fo bwa.“ mwen itilize sekstòy pou m aprann konnen tèt mwen konsa mwen fasilite ògasm mwen lè m pral nan relasyon ak mennaj mwen paske m gentan konn zòn ewojèn yo, m ap ka gide l. Epi, sa evite m twonpe l tou, chak lè mwen anvi, mwen fè l voye foto ban m aprè mwen rale zouti m, mwen kòmanse bay tèt mwen plezi”.

Menm jan ak jenn fi sa anpil fi chwazi itilize sekstòy pa sèlman pou yo ka rete fidèl men tou pou aprann konn tèt yo. Se sa k fè nan zafè sekstòy, gen sa ki long, tankou yon bwa pou fasilite penetrasyon; gen sa ki gen (2) de tèt, youn pou klitoris la, youn pou chouchou n lan epi genyen sa yo rele vibwomasè a, li kout, jis depoze l sou klitoris lan epi li ap vibre l. Genyen ki mache ak kouran, ak pil, anplis genyen ki fèt menm jan ak fa medam yo konn pase nan bouch yo a. Sa a menm bay Cassandra Joseph yon lòt plezi
“ mwen se yon fanm ki klitoridyèn, mwen renmen sèks anpil epi mwen pa bezwen gason pou fè m voye…mwen sèvi ak sekstòy ki gen menm fòm ak fa, koz li pi aksesib pou m mete l nan valiz mwen, pandan mwen nan biwo a, mwen jis pase nan douch lan epi plezi gaye…. Men mwen prefere gade sa sekrè paske anpil moun toujou pran m pou madivinèz” daprè sa li di.

Itilizasyon sekstòy fèt an kachèt paske sosyete a toujou diskriminen moun ki ap sèvi ak yo, sou baz moun sa se madivinèz jan Cassandra di an. Men puiske legliz gen yon pozisyon radikal sou koze sèks avan maryaj, Jasmine St-Jean lage l nan pratik solo a annatandan li marye “ou imajine nan legliz mwen an si pastè a konnen m ap fè sèks pandan mwen poko marye, l ap metem sou ban epi li ap imiliyem devan lòt fidèl yo. Enbyen puiske li pa vle m fè sèks avan maryaj kòm mwen poko ap marye, mwen achte sèkstòy mwen pou m pase anvi m. Men mennaj mwen te vinn kenbe m li te fache, li te menase m l ap di pastè a sa”

Gen anpil gason ki konn ap jije fi ki sèvi ak fo bwa.Yo konn menm mete entèdiksyon oubyen kraze relasyon an sou baz se yon vye bagay. Jhonny se yon egzanp. “mwen te toujou gade sa mal lè yon fi ap itilize yon bagay konsa pou l foure anndan l, men yon lè mwen pat la, mennaj mwen di m li anvi m, sèl mwayen pou l pase anvi an, se itilize youn. Nan kòmansman , mwen pa t dakò men li te pale avèk mwen; pase pou li al pran yon lòt nèg sou mwen, pito li itilize l, se plezi li ye kanmenm” selon limenm.

Vann sèkstòy, vibwomasè… se yon biznis ki rantre anpil lajan paske moun yo toujou ap chache yon lòt plezi sèksyèl pou pimante seksyalite yo. Nan sans yo pa pè depanse pou bay tèt yo plezi. Jean-Luc gen yon boutik anliy ki rele plezipam 509 sou enstagram, li fè konnen pri sèkstòy yo kòmanse nan 20 pou rive nan 85 dola ameriken, e preske chak jou li antre plis pase 200 dola.

Se vre li rantre lajan men al achte nan peyi etranje pou antre avèk yo pou vin vann li isit an Ayiti a se yon lòt, paske nan atik 52 nan kòd dwanye a, leta ayisyen entèdi enpòtasyon tout liv, tablo, fim ak objè ki gen karaktè seksyèl sou teritwa nasyonal la, sa lakoz, Jean-Luc ak tout lòt moun ki ap vann yo, toujou fè yon acha klandesten epi yo asire yo, yo pa vann timoun zouti sila. 

Sèkstòy gen gwo enpòtans nan lavi seksyèl itilizatè yo sitou sou jesyon relasyon yo ak patnè yo . Men tou li kapab yon sous maladi. Li kapab non sèlman fè chouchoun nan anfle lè w itilize li twòp men li kapab pote enfeskyon si toutfwa itilizatè a pote neglijans ak li. Kòm rekòmandasyon ,chak lè yon fin sèvi ak li, li dwe lave l byen, siye l epi mete l yon kote li p ap pran pousyè ak salte.

Saphira JB ORCEL