15 C
New York
dimanche, décembre 4, 2022

Seksyalite: Enpòtans alsiyis nan yon rapò seksyèl

Lè (2) de patnè ap fè sèks ke nou rele souvan fè “bagay”, anviwònman an se youn nan faktè ki ta dwe jwe an favè yo pou pèmèt yo byen pase. Men si espas sa pa apwopriye sa ap anpeche yo jui seksyalite yo a jan yo ta vle li ye a, paske gen anpil jwèt oubyen ti bri eksitan tankou sa nou rele alsiyis la ki p ap posib. Alòs genyen se anmwey yo rele. Men an reyalite kisa k fè yon fi/gason fè alsiyis lè l ap fè sèks ? Estera? Estipidite? Kisa k fè yo fè li? Men poukisa tou yo oblije fè li?

Alsiyis se yon sonò seksyèl ou pwodui lè w ap fè sèks. Natirèlman, li se yon aksyon envolontè paske pafwa ou konn pa ka anpeche ou fè li selon jan nivo sansasyon an ye a. Men chak moun konn fè li yon fason diferan selon nivo sansasyon an.
Oh my God! Oh my God !, Wich! Wich! Wich!, Wouyyy wouyyy!, Ayyy! ayyy! ayyy!, Sssss aaaayyy!, Woy!woy!woy! , Omerde! O merde Fuck ! Pou n site sa yo sèlman. Men li enpòtan pou n ta konnen ki kote eksitasyon seksyèl yo sòti ki mennen nou nan chimen pa anvi tounen sa.


Eksitasyon seksyèl yo sòti nan ògàn sans nou yo tankou si nou ta pran kòm egzanp zye parapò a sa nou wè nou gen yon atirans pou li epi ki esksitan men eksitasyon seksyèl yo pran nesans abityèlman nan sèvo a paske li bay repons a yon jès, yon panse oubyen yon imaj kèlkonk.
Pi lwen, jan Frédérique Xavier di nou an, nan ” Guide d’éducation à la sexualité humaine, à l’usage des professionnels)” Ke li te gason oubyen fi, omoseksyèl oubyen etewoseksyèl, toutan nou fè n ap viv la, chak nan nou pwodui yon seri sansibilte ewoktik.Tip sansibilite sa yo antre dirèkteman nan memwa ewotik nou ki li menm pral pèmèt nou jwenn plezi seksyèl la lè nou nan sitiyasyon an.


Lè nou vire yon lòt bò, gen seksològ ameriken sa yo masters&Johnson ki pral pale sou repons seksyèl pito yo menm. Alò repons seksyèl la se yon seri reyaksyon ofizyolojik, sikolojik kò nou fè pou bay yon sik seksyèl, sa nou pral montre ou la.
Seksològ masters&Johnson di sik seksyèl la genyen 4 faz ladan l.Yon faz Eksitasyon, yon faz plato, yon faz ògasm epi yon faz rezolisyon si n ap eksplike.


Premyeman etap, eksitasyon an se lè sansasyon plezi a kòmanse pran pant, sa vle di l ap monte apre yon imaj , yon son oubyen yon ti atouchman ki eksitan, nou ka rele estimili. Faz sa pa konn pran anpil tan. Nan faz sa alsiyis la kòmanse ap boujonnen.
Dezyèman, faz plato a. Li menm se faz ki long nan, ki kapab varye jan entansite a ye. Se faz sa ki pouse fi a oubyen gason ap fè gwo alsiyis, pale tout lang. Men li konn mete patnè yo nan difikilte lè yo pako ka rive nan faz ògasm nan. Lè sa anpil kalori ap boule, la alsiyis pèmèt patnè yo gen yon bon liberasyon seksyèl.
Ansuit, faz ògasm la li menm ki make fen faz plato a li monte rapid,
Nan ògasm la, alsiyis la konn transfòme an gwo kri , gwo rèl, se tankou lè yon fanm ap fè pitit oubyen tou fi a konn nan nivo sa se kòmsi li gen yon raj, tou de patnè yo se rakle y ap rakle paske miskl yo kontrakte. E li nòmal. Lakay gason an nan faz sa l ap vini ( ejakile) kanmèm pakont lakay fi a li kapab kanpe.
Dènye faz la yo rele li rezolisyon. Eksitasyon seksyèl la bese lakay tou de patnè yo. Aprè yon ti tan yo ka rekòmanse.

Pafwa zozo a oubyen dwèt la konn pa ko menm fè chimen li fi a kòmanse yon konsè alsiyis san pa gen okenn eksitasyon seksyèl. Estipidite? Non. Gason an konn pako santi anyen tou li tonbe fè alsiyis.Toujou estipidite ? Non.
Se youn nan rezon ki fè li enpòtan pou konnen enpòtans alsiyis genyen lè n ap fè fè sèks.


Selon ” Psychologue.net” Alsiyis la pèmèt ou amelyore libido ou paske pandan rapò seksyèl la sa konn rive lespri youn oubyen lòt patnè yo oubyen toulède konn byen lwen, lè sa se yon bon alsiyis volontè ki pou pèmèt yo retounen sou chan batay la.
Pafwa fi a oubyen gason an fè alsiyis la se pou mete youn lòt an konfyans, pafwa se pou chanje rit la konsa tou se mete plis piman nan rapò seksyèl la.

Pou n fini, nou kapab di asiyis la jwe yon gwo wòl nan rapò seksyèl yo, li mete patnè yo sou brenzeng yo, li pemèt yo pataje yon lòt filing nan yon lòt nivo. Kidonk, alsiyis la mete piman nan plezi pou n kapab jui li pi byen.

Referans
-Basson R.(2000) The Female Sexual Response: A Different Model,
Journal of Sex &Marital Therapy

  • www.cairn.info/ les sources d’excitation sexuelle, page 247
  • www.psychologie.net

Related Articles

3 Commentaires

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,593SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus