15 C
New York
mercredi, juin 29, 2022

Ayiti-Kilti: Sanba Zele òganize yon festival nan Pòdepè pou « Kite lavi viv »



Premye edisyon festival « MOUN SE MOUN » rive fèt pandan 3 jou ( 26, 27, 28 ) Novanm lan. Nan okazyon 9èm anivèsè konpayi atistik Sanba Zele. Sou yon tèm espesyal ki se “Kite Lavi viv”. Anbyans lan te rèd nan site Kapwa Lamò a.


“ Yon inisyativ konsa, se pou n limen pwojektè sou kondisyon lavi nan peyi a ki pa sispann degrade pandan dènye tan sa yo, epi an menm tan montre nesesite ki genyen pou moun viv tankou moun. Kidonk, se yon apèl pou moun pran konsyans. ” Se sa youn nan òganizatè yo fè n konnen, kote se yon ekip jèn ki detèmine pou bay vi ak kilti yon lòt koulè nan peyi a.

Depatman Nòdwès la te orandevou. Aktivite a te dewoule Pòdpè ak Chansòl ( Yon komin ki gen Fwontyè ak Pòdepè ). Moun ki te fè deplasman yo te gen dwa ak 3 kategori aktivite: Konferans-deba, Pèfòmans sou sèn ak Atelye fòmasyon. Envite donè ane sa se te “Jack Sander Céméus” , komedyen e manm konpayi atistik Palto Vanyan.
Nan dènye jou festival la, Sanba Zele te jwe KAVALYE PÒLKA, yon pyès Syto Cavé ekri. Men ane pase, pou make 8è lane egzistans gwoup la, yo te mete sou sèn « Pèlen tèt ». Yon aktivite ki te byen dewoule e inisyatè yo kase randevou pou ane pwochen.

Sanba Zele, se yon gwoup ki pran nesans nan lane 2012, sou ban Lise Tètilyen Gilbo Pòdpè. Sou inisyativ 2 kanmarad :Johnsley Bertho ak Fils Aimé Jean Ribert Dominique. Lè yo fenk lanse, yo te sitou konn pwodui Teyat ak Pwezi. Men, nan wout, yo ajoute lòt pratik tankou Penti, Dans, Mizik, Atizana, Kouti.
“ Sanba Zele bay Tèt li misyon pou kontinye kenbe flanbo lakilti limen sou depatman an, epi swete wè l gen yon rekonesans nasyonal avan lontan. ” Mo youn nan responsab yo.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,368SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus