15 C
New York
mardi, novembre 29, 2022

Sitiyasyon peyi a lakoz “Gede” yo pa jwenn ase je kreve nan men “vivan” yo

CP:Tcharly Coutin

Malgre sitiyasyon kriz sosyopolitik ak ensekirite peyi a ap fè fas, anpil sitwayen pa rate premye jounen randevou pou selebre « lavi nan lanmò » ak gede yo yè premye novanm 2021 an.

Anpil pechè latè te desann nan gran simityè Pòtoprens pou banboche ak mò yo, epi te tou pwofite vizite papa Bawon lakwa, nan lide pou ba l ochan epi liminen pou fè demann yo. Tout kalite bouji, kafe, lòt kalite bwason, pen, espageti, ak lòt kalite manje te dekore tab Gede yo, san bliye kèk je kreve (lajan) yo te pote kòm ofrann pou yo.

« Gede se yon moman espesyal ki rezève nan koutim nou chak ane pou nou vini fè ti rankont ak kèk fanmi zanmi oubyen pwòch nou yo ki ale devan epi kite nou isit sou tè modi sa. Yo vini pase wè nou nan jou sa yo. Anpil ladan yo pote kichòy pou nou tou, li ka sou avni nou oubyen yon lòt bagay ki petèt gen pou wè ak lavi nou kòm banbochè latè. », temwanyaj yon sitwayen sou kouvèti anonim ki te gen balèn nan men l ak anpil je kreve, gode kafe l, pou l dyaloge ak yon pwòch li ki antere nan gran simityè Pòtoprens.

Satisfaksyon yo pa fin konble, nan ti koze nou te gen ak kèk ladan yo. « Ane sa fèt mwen panse li pa t ap bèl, menm si li pa fin nòmal. Si te gen pow pow mwen pa t ap vini. Anpil frè m yo pa la, genlè se koz pwoblèm gaz la. Epi pa gen ase je kreve ane a. Nou konprann tou se pwoblèm ki genyen nan Peyi a», daprè gede sa ki pote non Ti pis, ki swete wè lòt ane gen plis lapwòpte pou yo, pou plis banbochè latè patisipe ak yo.

Yon lòt bò, David Nerlande, Wòb blan, Mouchwa blan, boutèy piman, ak anpil gete te pale konsa, «  m santi m kontan pou m layite m pou m danse gede a, paske m swaf sa. Nou se ginen fòk nou selebre, se jou nou jodi a pou nou pran plezi nou ak mò yo».

Pou lòt ane, atant yo pa diferan, gede « Ti pis » ki te pale ak nou nan paragraf anlè tèks la mande pou banbochè yo sispann ak koze kidnapin nan, paske li rekonèt anpil frè l ki pa desann nan simityè, gen sa yo ki sòti Petyonvil ak anpil lòt kote, se paske pa gen gaz epi pa gen lajan. Gede yo rekonèt sitiyasyon pèp ayisyen an ap fè fas la, yo swete vini lòt ane epi jwenn plis je kreve, epi swè yo reyalize, pou lapè ak lavi reprann jan sa dwe ye.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,582SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus