15 C
New York
lundi, décembre 5, 2022

De depite a prezidan Chili Gabriel Boric, 35 lane, konnen yon pakou byen long



Depi ayè dimanch 19 desannm lan rezo sosyal yo anflame aprè rezilta 2èm tou eleksyon prezidansyèl nan peyi Chili kote Gabriel Boric genyen kous la. Men anpil moun plis panche sou laj jenn lidè a ki eli prezidan ak sèlman 35 lanne sou tèt li. Se pa ni laj ni bote Gabriel Boric ki mete l nan pozisyon sa jounen jodi a se pito angajman li nan yon pwosesis byen long nan batay pou yon lòt sistèm.

Nouvo eli a, ki fèt nan lane 1986 nan Sid nan peyi Chili, nan yon zòn ki rele Punta Arenas, etidye dwa nan inivèsite Santiago, an 2011 se la li te entegre batay pou edikasyon gratis nan Peyi a. 2012 li eli nan tèt federasyon etidyan inivèsite Chili.
Se pa sèl fwa Gabriel t ap eli, ak 27 lane swa 2013-2014 li te rantre nan kongrè a kòm depite sou banyè pati konvèjans sosyal.Twò konsakre ak politik e lit pou Peyi l, nouvo prezidan poko menm pran diplòm li nan dwa.

Pilye nan redaksyon nouvèl konstitisyon Chilyèn

An 2019, Gabriel Boric pran yon lòt nivo nan politik peyi l aprè eksplozyon sosyal ki te pwodui kote te gen anpil dechoukaj ki te fèt e plizyè jou manifestasyon. Se la li te angaje l pou Chili gen yon lòt konstitisyon k ap koupe tout lyen ak rejim diktati Augusto Pinochet te enplante a.
Konstitisyon sa toujou nan preparasyon. Gabriel se yon lidè ki trè kritik anvè demokrasi li grandi ladan an.

Anpil moun ap pale de yon Eta-pwovidans

Nan echanj Gabriel Boric te genyen ak AFP avan eleksyon l, li te pote kèk eksplikasyon sou tèm sa. “ Se tankou an Ewòp, yon Eta-pwovidans se yon kote dwa tout moun garanti e yo gen menm privilèj ak nenpòt lajan yo ta posede ”, deklarasyon lidè a.

Nouvo prezidan e ki se pi jenn prezidan Chili konnen gen lòt pwojè. Fè refòm sosyal se youn nan pi gwo objektif li. Nan refòm fiskal li vle fè a tou, li konte fè moun ki pi rich yo patisipe pou Chili gen yon lòt e meyè sistèm sante ak edikasyon, li vle kreye yon nouvo sistèm retrèt.

Gabriel Boric ap gen pou l pran pouvwa 11 mas 2022. Daprè anpil moun, se yon lidè ki respekte pawòl li. Depi byen bonè nan jenès li Gabriel Boric pataje yon gran lanmou pou liv.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,593SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus