15 C
New York
dimanche, décembre 4, 2022

Dram nan Okap: yon kamyon gaz ekploze, plis pase 40 moun mouri



Yon trelè ki tap transpòte gaz eksploze, nan lannuit 13 pou louvri 14 desanm lan, nan zòn Samari ak Lafòsèt nan Okap kote kamyon sa te tonbe nan yon kanal epi moun kouri al pran gaz, li eksploze, la ki lakoz plis pase yon trantèn moun fè vwèl pou peyi San chapo.

Pa mank pridans, kèk manm popilasyon an te kouri al ranmase gaz ki tap koule pandan kamyon sitèn lan tonbe epi kamyon an vin eklate. Daprè Benjy Oricia, yon sitwayen nou pale ta fè nou konnen gen anpil ki mouri ak anpil kay boule, anpil fanmiy kontinye ap fè rechèch moun yo ki disparèt.
Sipò mande nan lopital « Justinien » kote plizyè moun transpòte, yo bezwen an ijans : Twal gaz, Seròm…
Gen yon lòt gwoup viktim yo kouri ak yo lopital « Convention Baptiste » ki Kafou Lanmò.

Si gen enfòmasyon ki fè eta de 25 moun ki mouri kalsine, Delege depatmantal Nò a Augustin Pierrot Degaul ki gentan rive sou plas paka konfime chif yo, men fè konnen gen anpil moun ki pèdi lavi yo ak kay ki detui. “ Mw la kòm responsab, men se regretab nou pa gen mwayen nèsese pou reponn ak yon sitiyasyon konsa. Nou pa menm gen kapasite pou etèn yon dife, pa bezwen di pou yon eksplozyon ”, premye deklarasyon Delege a, pandan y ap egzije sipò lòt otorite Leta an ijans.

Yon lòt bò, majistra vil la( dezyèm manm) ki se Patrick Almonord ki te entèveni maten an sou “Radio Caraïbe” fè konnen dega yo anpil, li nan plis pase 30 moun ki mouri nan dram sila a. Gen lòt ki fè konnen bilan an touche plis pase yon karantèn viktim.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,593SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus