15 C
New York
lundi, juillet 4, 2022

Direktè Philippe Brun eksplike rezon ki fè Digicel monte pri plan yo epi anonse plis pase 200 nouvo anplwa pral kreye

Direktè Jeneral konpayi Digicel Ayiti a, Jean Philippe Brun, nan kad yon konferans pou laprès yè madi 4 janvye, te pwofite okazyon an pou pale sou desizyon konpayi a pran pou monte plan li yo epi abòde kèk lòt sijè ki lye ak konpayi telefòn lan.

Responsab konpayi a fè konnen ajiste plan yo pa t fasil pou ekip la men an rezon ogmantasyon pri gaz la sitou dyezèl la, konpayi a te oblije repanse bagay yo paske tout antèn konpayi telefòn lan atravè peyi a fonksyone avèk dyezèl. Se rezon sa selon DG konpayi a ki fè yo te oblije pran desizyon sila.

Toutfwa, Philippe Brun fè konnen menm si pri plan an ogmante, kantite minit ak megabayt ap ogmante tou sa k ap ka pèmèt yo fè plis itilizasyon sou sa yo achete kòm plan epi kontinye fonksyone, si n site pawòl Jean Philippe Brun.

Plis pase 200 nouvo travay pral kreye

Yon lòt bò Jean Philippe Brun anonse konpayi a pral pase nan twazyèm faz modènizasyon apati mwa mas k ap vini la kote tout pati Nò nan peyi a pral gen teknoloji LTE a. Pwojè sa selon responsab konpayi a gen yon dire 12 jiska 18 mwa men li endike tou lè peyi a gen kriz sosyopolitik li ralanti Pwojè a paske teknisyen yo gen difikilte deplase de yon andwa a yon lòt.

Philippe Brun nan kad konferans sa revele nan mwa avril k ap vini la konpayi a ap kreye plis pase 200 travay adisyonèl nan peyi a. “Nouvo travay sa yo, se travay ki pral pèmèt nou sèvi diferan konpayi etranje”, daprè deklarasyon l. DG a pa t bay twòp detay men pwomèt nan jou k ap vini yo l ap bay plis eksplikasyon.

Se te okazyon tou pou Jean Philippe Brun raple koze ensekirite a poze gwo pwoblèm ak konpayi l ap dirije a paske anpil fwa gen zòn teknisyen yo pa ka travèse oubyen pa ka ale ki vin poze pwoblèm ak kèk sit Digicel, sa ki fè vin gen gwo enpak dirèk sou konpayi a.

Related Articles

LAISSER UN COMMENTAIRE

S'il vous plaît entrez votre commentaire!
S'il vous plaît entrez votre nom ici

Stay Connected

22,878FansJ'aime
3,376SuiveursSuivre
0AbonnésS'abonner
- Advertisement -spot_img

Latest Articles

Toutes Les Dernières Informations Du Monde Avec Passion Info Plus