Rapè gwoup Barikad Crew a, Léonard Tout-puissant anpil moun konnen sou non atis li Izokan, deside retounen nan tèt klèb site drapo a Akayè Foutbòl Klèb(AFC).Yon anons ki fèt sou paj Facebook ofisyèl klèb vil natal atis la jodi vandredi 21 janvye a.
Aprè plis pase 6 mwa li fin pase an distans ak AFC, Izolan deside fè yon demi tou pou l tounen nan tèt ekip la. Atis la te pran desizyon sa mwa me ane 2021 pou kèk rezon li te bay nan yon nòt li te pibliye aprè demisyon l ki te fè gwo ekla sou rezo a ak nan sektè espò nan peyi isit.
Mwa me 2021, nan moman klèb l ap
dirije a ta prepare pou ale nan konpetisyon lig chanpyon yo «CONCACAF », Izolan te deside òganize yon pwogram pou te ranmase lajan ki t ap sèvi pou reponn ak bezwen ekip la nan konpetisyon entènasyonal sa. Malerezman, sa pa t pase jan sa te prevwa a.
Nan menm epòk sa yon gwo deblozay te pete nan zòn Akayè. Daprè antreprenè a, se yon kout ba pou te anpeche pwogram nan wè siksè. Se te rezon demisyon l.
Fòk nou anonse mwa me k ap vini la, Akayè ap gen pou l al defann koulè drapo ayisyen an nan chanpyona Klèb Chanpyon Karayib yo.
