Nan yon nòt ki date lendi 6 mas 2023, Ministè Jistis ak Sekirite piblik raple popilasyon an sou dwa li genyen pou defann tèt li, pa rapò ak deteryorasyon klima sekirite peyi a, e li mande Lapolis pran tout dispozisyon pou l pwoteje vi ak byen jan lalwa mande sa.
Nan sans sa, Ministè a di tout moun nan ka kote endividi ak zam antre lakay yo ak vyolans, lalwa pèmèt yo defann tèt yo jan atik 272 jiska 274 Kòd Penal Ayisyen presize sa.
Yon lòt kote, responsab yo fè konnen li enpòtan pou chak sitwayen ak sitwayèn konnen lè yon moun kolabore ak gang, ede yo pa kèlkeswa mwayen pou yo fè zak kriminèl, y ap sibi menn sò ak yo daprè atik 45 Kòd Penal Ayisyen an.
Nan nòt sila, MJSP mande Lapolis pou li entansifye operasyon li ap mennen depi plizyè mwa kont bandi, kidnapè, asasen k ap simen dèy ak laperèz nan mitan popilasyon an.
Enstitisyon Emelie Prophète ap dirije a pwofite tou pou mande popilasyon an pou l kolabore san gade dèyè ak Lapolis nan ba l bon jan enfòmasyon epi nan veye youn sou lòt.
Version française de l’article 272 et 274 du code pénal haïtien
Art. 272.- Il n’y a ni crime, ni délit, lorsque l’homicide, les blessures et les coups étaient ordonnés par la loi et commandés par l’autorité légitime.
Art. 274.- Sont compris dans les cas de nécessité actuelle de défense, les deux cas suivants :
1) Si l’homicide a été commis, si les blessures ont été faites, ou si les coups ont été portés en repoussant pendant la nuit, l’escalade, ou l’effraction des clôtures, murs ou entrée d’une maison ou d’un appartement habités, ou de leurs dépendances ;
2) Si le fait a eu lieu en se défendant contre les auteurs de vols ou de pillages exécutés avec violence.
