Jimmy Cherisier alyas Barbecue fè konnen sou antèn Radyo Mega nan emisyon Boukante Lapawòl se Ariel Henry ki pou kite primati a pou peyi a ka debloke epi pou gaz la ka soti nan tèminal varreux ki estoke 70% rezèv gaz Larepiblik la.
Pou sa fèt, Ariel Henry dwe demisyone pou ale reponn kesyon lajitis sou dosye asasinay Jovenel Moïse, toujou daprè ansyen polisye UDMO a.
“Se batay politik m ap fè mwen pa anfas lapolis, polisye yo soti nan matris pèp la”, deklarasyon bawon ba Delma a. Batay k ap fèt la se nan enterè popilasyon an, si n ka kwè chèf G9 la. Barbecue vle montre tou li enkyè pou sitiyasyon sekirite Peyi a e menm deklare: “Mw pè chak jou pou yo pa kidnape fanmiy mw nan lari a”.
Pòt pawòl G-9 la demanti enfòmasyon ki ta fè kwè yo mande Leta 50 milyon goud pou bay pase ak gaz la epi li sigjere ak PM Henry pou pran konsyans paske se li ki bloke Peyi a. Si l kite sa a 8è, 5 minit aprè zòn varreux ap debloke san bezwen sipò Lapolis ak Lame, selon sa l di.
Li raple li prè pou l chita pale ak tout moun pou peyi a chanje, depi PM lan kite sa. “Mw p ap negosye an kachèt, y ap rele m bandi nan radyo y ap negosye avè m an kachèt.”
