Se youn aprè lòt plizyè moun ki gen non yo site nan touye prezidan Jovenel Moïse ap jwenn arestasyon yo dènye jou sa yo. Ansyen senatè John Joël Joseph se dènye sitwayen ki sispèk yo arete jiska prezan, nan Peyi Jamayik. Men li p ap transfere Ayiti si n kwè deklarasyon minis jistis ayisyen an.
” Gouvènman an ta pral mande Jamayik pou l voye John Joël Joseph tounen Ayiti. Men akòz pwoblèm sekirite an Ayiti, peyi ki pi pòv nan emisfè a, li ta pi bon pou otorite ameriken yo kenbe Mesye Joseph nan moman sa a.” deklarasyon minis la nan « The wall street journal », jounal blan meriken.
John J. Joseph ki jwenn arestasyon l Samdi pase a, te depanse 12 000 dola vèt pou rantre Jamayik, nan Bato, mwa Desanm pase a. Lè lapolis te mete lapat sou li, li te ofri yo 2 milyon dola vèt pou pa kite yo voye l an Ayiti pou yo pa touye l. Li te gen plizyè dokiman an posesyon l tou. Daprè jounal Peyi Jamayik « Jamaïque Observer ».
N ap raple nan menm dosye asasina prezidan Jovenel Moïse la. Mario Antonio Palacios ak Rodolphe Jaar, 2 sispèk sa yo ap reponn kesyon lajistis nan Peyi Tonton Sam aprè yo te fin jwenn arestasyon pa yo tou.
